ۆۆس قىتايداعى از ۇلتتارعا ارنالعان لاگەرلەردەگى ايەلدەردى جۇيەلى تۇردە زورلاۋ جانە ازاپتاۋ تۋرالى ەگجەي-تەگجەيلى حابارلادى. ماقالا اقش مەملەكەتتىك دەپارتامەنتىنىڭ نازارىن اۋدارىپ، دەپارتامەنت مالىمدەمە جاسادى.
اقش مەملەكەتتىك دەپارتامەنتىنىڭ وكىلى بۇرىنعى ۇستالعاندار مەن كۇزەتشىلەردىڭ سۇحباتتارىنا نەگىزدەلگەن ۆۆس ماقالاسىنا سۇيەنىپ "قاتىگەزدىكتەر ءبىزدى قاتتى الاڭداتتى. بۇل قاتىگەزدىكتەر ار-ۇجدانعا دا اۋىر سوققى. مۇنداي ساياساتى ءۇشىن بەيجىڭگە ۇلكەن سالدارى بار جاۋاپ قايتارۋ كەرەك" دەپ ايتتى..
اۆستراليانىڭ سىرتقى ىستەر ءمينيسترى ماريس پەين دە ماسەلەنە ءۇن قوسىپ، بىرىككەن ۇلتتار ۇيىمى ايماققا "جەدەل بارۋى كەرەكتىگىن" ايتتى.
– ءبىز اشىقتىقتى وتە ماڭىزدى دەپ سانايمىز جانە قىتايدان حالىقارالىق باقىلاۋشىلارعا، سونىڭ ىشىندە بۇۇ-نىڭ ادام قۇقىقتارى جونىندەگى جوعارعى كوميسسارى ميشەل باچەلەتكە شىڭجاڭعا جەدەل جانە شەكتەۋسىز تۇردە كىرگۋە مۇمكىندىك بەرۋىن تالاپ ەتەمىز، – دەدى ول.
ال قىتايدىڭ سىرتقى ىستەر مينيسترلىگى اقپاراتتى "جالعان حابارلاما" دەپ ۇزىلدى-كەسىلدى جوققا شىعاردى.
ۆۆس ماقالاسىندا قىتايدىڭ شىڭجاڭ ايماعىنداعى ىشكى لاگەرلەردە جاپپاي ازاپتاۋ، جىنىستىق زورلىق-زومبىلىق تۋرالى ايىپتاۋلار ەگجەي-تەگجەيلى سيپاتتالعان. ماقالانىڭ باس سۋرەتىنە سايراگۇل ساۋىتبايدىڭ سۋرەتى قويىلىپ، ونى "جاپپاي جىنىستىق زورلىق-زومبىلىق كۋاگەرلەرىنىڭ ءبىرى" دەپ جازعان.
تاۋەلسىز ەسەپتەر بويىنشا، بۇگىندە لاگەرلەردە ميلليوننان استام ادام قاماۋدا وتىر. بەيجىڭ لاگەرلەر از ۇلتتاردى "قايتا تاربيەلەۋ" ءۇشىن سالىنعانىن ايتادى.
پىكىر قالدىرۋ